જીપીએસસીની પરીક્ષા પાસ કરનાર ૩૧૬ ઊમેદવારોનું ભાવિ અધ્ધરતાલ

વર્ષ ૨૦૦૬માં લેવાયેલી પરીક્ષાનું પરિણામ ગત મે મહિનામાં આવ્યું છતાં ઊમેદવારો નોકરીથી વંચિત.

ગુજરાત પબ્લિક ર્સિવસ કમિશન દ્વારા એક વર્ષને બદલે પાંચ વર્ષ પૂરી થયેલી વર્ગ ૧ અને ૨ ની ભરતી પ્રક્રિયા કોઇ પોસ્ટગ અપાયું નથી. એક વર્ષ પહેલાં અંતિમ પરિણામ જાહેર થવા છતાં આજસુધી એક પણ ઊમેદવારના ઘરે ટ્રેનગ કે અન્ય કોઇ પત્ર ન આવતાં પાસ થયેલા ઊમેદવારોની સ્થિતિ કફોડી બની છે.

રાજય સરકારની આ એક આગવી ઓળખ છે. કે પરીક્ષાઓ જાહેર કરી દે છે. પછી તેના પરિણામો એકાદ વર્ષે કે પછી દોઢ બે વર્ષે જાહેર કરે છે. અને ત્યારબાદ પાસ થયેલા ઊમેદવારોને મૌખિક ઇન્ટરવ્યૂમાં બીજા છ - સાત
મહિના અને પછી તેમાં પાસ થયેલા ઊમેદવારોને નોકરી આપવામાં બીજું એકાદ વર્ષ થાય છે. એ આવું જ કંઇક
૨૦૦૬માં જીપીએસસીની પરીક્ષા પાસ કરનાર ઊમેદવારો સાથે થયું છે.

જીપીએસસી દ્વારા વર્ષ ૨૦૦૬માં ડેપ્યુટી સુપરિન્ટેન્ડન્ટ આફ પોલીસ, મામલતદાર,જિલ્લા રજિસ્ટ્રાર, ટીડીઓ, સેકશન આૅફિસર વગેરે પોસ્ટ માટે ૩૧૬ ઊમેદવારોની ભરતીની જાહેરાત આવી હતી. સમગ્ર ભરતી પક્રિયા એક વર્ષમાં પૂરી કરવાના બદલે જીપીએસસી એ ઊમેદવારોની ભરતી પ્રક્રિયા પાંચ વર્ષ સુધી ચલાવે રાખી ગત
મે મહિનામાં તેનું છેલ્લું પરિણામ જાહેર કરવામાં આવ્યું ત્યારે તેમાં ૩૧૬ ઊમેદવારોને ઊત્તીર્ણ જાહેર કરવામાં આવ્યા પરિણામ જાહેર થતાંની સાથે જ ટ્રેનગ અને અન્ય પ્રક્રિયાઓ તરત જ શરૂ થતી હોય છે. આથી કેટલાક ઊમેદવારોએ પોતાની નોકરી પણ છોડી દીધી હતી. જોકે પરિણામ જાહેર થયાના એક વર્ષ બાદ પણ હજુ સુધી સામાન્ય વહીવટ વિભાગ અને જીપીએસસી બંને વચ્ચે ઊમેદવારોને કયારે પોસ્ટગ આપવું તે બાબતે કોઇ જ ચર્ચા થઇ નથી.