ડિપ્લોમા ઇજનેરી પરીક્ષાનાં પરિણામો તાકીદે જાહેર કરો

પરીક્ષા પૂર્ણ થયાને ૩ મહિનાનો ગાળો થયો હોવા છતાં પણ પરિણામો જાહેર કરાતા નથી.

ગુજરાત ટેકનોલોજીકલ યુનિર્વિસટી દ્વારા લેવાયેલ ડિપ્લોમા ઇજનેરી પરીક્ષાના ત્રણ મહિલા જેટલો સમય થયો છતાં ૪૫ હજાર વિદ્યાર્થીઓનાં પરિણામો સમયસર જાહેર થયા નથી, જેનાં માટે ગુજરાત ટેકનોલોજીકલ યુનિર્વિસટીનાં સત્તાવાળાની વહીવટી અનિયમિતતા અને ઊદાસીન વલણ હોવાનો આક્ષેપ કરતાં ગુજરાત પ્રદેશ કોગ્રેસ પ્રવકતા અને ગુજરાત યુનિવર્સટીના સિન્ડીકેટ સભ્ય મનિષ દોશી (એન્જિનિયર)એ જણાવ્યું હતું કે,

ચાર વર્ષ કરતાં વધુ સમય થયાં છતાં યુનિર્વિસટીમાં કાયમી જગ્યા ભરાતી નથી.

યુનિર્વિસટી સત્તાવાળા રોજ નવા નવા નુસખાની જાહેરાત કરવામાં ઊત્સાહી છે. મોટાભાગની કોલેજો અપૂરતા અધ્યાપકોથી કાર્યરત છે. કોલેજના શૈક્ષણિક સત્રમાં બહુ ઓછા દિવસો ભણાવવામાં આવે છે.

તેમણે વધુમાં જણાવ્યું હતું કે, ગુજરાતની ૨૮ સરકારી અને ૫૨ સ્વનિર્ભર પોલીટેકનિકના ૪૫ હજાર જેટલાં વિદ્યાર્થીઓને માર્ગદર્શન-માહિતી માટે કોઇ વ્યવસ્થા નથી. ગુજરાત ટેકનોલોજીકલ યુનિર્વિસટી સત્તાવાળા અને સ્વનિર્ભર કોલેજોનાં મોટાભાગનાં સંચાલકોની અનુકુળ સાંઠગાંઠથી ટેકનિકલ શિક્ષણને ભારે નુકસાન થઇ રહ્યું છે.